Áskriftin · 10 daga prufa

Allt sem er innifalið,
og hvað það kostar.

Þetta er síðan fyrir þig sem vilt sjá þetta allt áður en þú ákveður þig. Engin brýnd og engin flýtimeðferð. Bara hvað þú færð, hvernig vikan lítur út og hvað hún kostar.

10 dagar frítt. Svo 12.900 kr á mánuði. Engin binding og þú segir upp hvenær sem er.

Byrjaðu 10 daga prufu

Vikan þín

Þrjár æfingar í viku, og planið heldur þótt ein detti út

Vikan er byggð á þremur æfingum og þær eru mátaðar við raunverulega viku. Ef ein dettur út þá eltum við hana ekki, þú tekur næstu og heldur áfram þaðan.

Þú velur eftir vikunni þinni. Sumar æfingar eru kraftmiklar, aðrar rólegri. Báðar telja.

Þrjár æfingar í viku
20 til 30 mínútur hver, heima með lágmarksbúnaði

Jóga, mobility eða teygjur
Á milli, þegar þig langar. Ekki skylda

Gangan þín
Hún telur með og er hluti af planinu, ekki utan við það

Dagurinn sem hrynur
Á sína stuttu útgáfu, svo venjan haldi þegar vikan gerir það ekki

Þegar nýjungin er farin

Ný sex vikna áskorun, og allar byrja á sama degi

Það er auðvelt að byrja. Það er fjórði mánuðurinn sem er erfiður, þegar nýjungin er farin og vikan er bara vika. Þess vegna er alltaf ný sex vikna áskorun á leiðinni.

Þú byrjar á sama degi og hinar, þið farið í gegnum hana saman og þú sérð í samfélaginu hverjar eru að mæta. Það er ekki hvatning sem þú þarft að finna innra með þér. Það er dagsetning sem einhver annar setti, og hún heldur betur.

Svona lítur áskorunin út

1. Sex vikur, byrjar á mánudegi. Allar byrja saman og klára saman.

2. Þrjár æfingar í viku, heima með lágmarksbúnaði.

3. Upphitun og teygjur fylgja hverri viku, tilbúnar.

4. Hugaræfing um helgina, valfrjáls.

5. Samfélagið á meðan. Þú sérð hverjar eru að mæta og þær sjá þig.

Og þegar vika fellur niður eltum við hana ekki. Þú tekur næstu og heldur áfram þaðan.

Þegar eitthvað þolir ekki allt

Hnéð, bakið eða öxlin

Við skiptum um útfærslu, ekki um æfingu. Að taka hreyfinguna alveg út kennir líkamanum að forðast hana, og það er verra en að gera hana léttar. Þess vegna vinnum við eftir þremur mjög einföldum reglum.

Verkur upp að fimm af tíu má vera til staðar í æfingunni.

Hann á að vera kominn í grunnlínu næsta morgun. Það er morgunninn sem sker úr.

Þrjár versnandi vikur í röð þýða að planið er rangt. Ekki þú.

Ég vinn með verki, svefn og álag sem æfingabreytur. Ef eitthvað á heima hjá lækni þá segi ég þér það, og ég segi þér hvern þú átt að hitta.

Og sumt er einfaldlega ekki æfingabreyta. Verkur sem vekur þig á nóttunni, dofi eða máttleysi niður í fót eða handlegg, eða liður sem er heitur og bólginn. Þá förum við ekki í léttari útfærslu, þá pantarðu tíma.

Samfélagið og ég

Þú skrifar í hluta þar sem einhver svarar

Inni í áskriftinni er lokaður hópur þar sem konurnar hafa skrifað hver annarri yfir átta hundruð athugasemdir. Helmingur þeirra hefur skrifað eitthvað, sem er óvenju hátt hlutfall, og þar er engin sem þarf að vera flottust.

Segðu mér frá vikunni þinni og við mátum planið við hana. Það er það sem þú ert að kaupa.

Æfingamyndband getur sýnt þér hreyfinguna. Það tekur aldrei eftir þér á milli æfinga.

Verðið, sagt hreint út

12.900 kr á mánuði. Engin binding.

Í dag — 0 kr. Fullur aðgangur í tíu daga.

Eftir tíu daga — 12.900 kr á mánuði.

Binding — Engin. Þú segir upp inni á síðunni þinni, tveir smellir.

Pása — Þú mátt taka pásu. Sendu mér skilaboð og ég set hana inn.

Þú gefur upp kort við skráningu og prufan fer sjálfkrafa í áskrift eftir tíu daga. Ef þetta er ekki fyrir þig segirðu upp áður og borgar ekkert. Ég segi þér þetta hreint út svo ekkert komi þér á óvart.

Styrkurinn

Margar konur borga þetta ekki að fullu sjálfar

Stéttarfélögin greiða heilsu- og þjálfunarstyrki og þeir eru hærri en flestar konur halda. Algengt er 50.000 til 75.000 kr á ári, og hjá sumum félögum er ekkert þak. Konur hjá mér hafa fengið áskriftina endurgreidda þannig.

Ein fyrirspurn til þíns félags svarar þessu, og þú færð kvittun fyrir hverri greiðslu.

Frá konunum

Þrjár sem eru enn hér

„Ég er þessi týpa, allt eða ekkert. Eitt klikk þá er allt ónýtt. Ég ákvað að prófa einn mánuð, og hér er ég enn og ekkert á leiðinni frá þessu."

Gerða Hammer

Konan sem gerir allt eða ekkert

„Þótt vinnan hafi bara farið fram í gegnum netið er eins og þú vitir hvenær þú þarft að hafa samband við mig, hvenær ég á erfiðan tíma."

Svanhvít

Svarið við því að þetta sé bara á netinu

„Hún er mjög dugleg að heyra í manni á milli æfinga."

Kolbrún Ósk

Kjarni þess sem þú ert að borga fyrir

Áður en þú ákveður þig

Spurningarnar sem koma oftast

Ég er ekki byrjuð að lyfta. Er þetta of mikið fyrir mig?

Hvað þarf ég af búnaði ef ég æfi heima?

Ég er komin á breytingaskeiðið. Breytir það einhverju?

Ég er nú þegar í rækt. Passar þetta með?

Verður þetta of létt ef ég er lengra komin?

Hvernig segi ég upp ef þetta hentar ekki?

Prufan er opin

Tíu dagar, fullur aðgangur, engin binding. Þetta eru bara opnar dyr. Þú ræður hvort þú gengur inn. 🤍